Иллюстратив фото

Дмитрий Медведев Украина Қуролли Кучларига Ғарб қуроллари етказиб берилиши туфайли ядровий апокалипсис яқинлашаётганини маълум қилди.

Россия Хавфсизлик кенгаши раиси ўринбосари Дмитрий Медведев Украинага хориждан қурол етказиб бериш оқибатлари ҳақида фикр билдирди.

Унинг таъкидлашича, Украина Қуролли кучларига Ғарб қуроллари етказиб берилиши ядровий апокалипсис яқинлашишига таҳдид солмоқда. Киевга ҳар куни ҳарбий ёрдам кўрсатилиши натижасида инқироз эҳтимоли янада реал бўлиб бормоқда.

Аввалроқ, Россия президенти Владимир Путин Киевга ядро компоненти бўлган қурол-яроғ етказиб берилишига жавоб қайтаришини айтган эди. Унинг нуқтаи назарича, Ғарбга Москва билан сўнгги украиналиккача курашишни таклиф қилаётгандек.

Шу йилнинг 21 март куни Буюк Британия мудофаа вазири ўринбосари Аннабел Голди ҳарбий ёрдам доирасида мамлакат Украинага бир гуруҳ «Challenger 2» танклари билан бир қаторда тугатилган уран снарядларини юборишини маълум қилди. Ушбу ўқ-дорилар одатдаги жанговар хусусиятлари билан одатдагиларидан фарқ қилади, масалан, уларнинг тезлиги соатига 6120 километрдан ошиши мумкин.

Таъкидланишича, ушбу снарядлар Югославияни бомбардимон қилиш, «Чўл бўрони» операцияси ва 2003 йилда АҚШнинг Ироққа бостириб кириши пайтида ишлатилган.

Бунгача АҚШ давлат котиби Энтони Блинкен Қўшма Штатлар Украинага 350 миллион долларлик янги ҳарбий ёрдам пакетини тақдим этгани маълум қилган эди. Ушбу ёрдам «HIMARS» учун янги ўқ-дорилар, гаубицалар ва «Bradley» пиёда аскарлар учун жанговар машиналари, «HARM» ракеталари, танкка қарши қуроллар ва дарё қайиқларини ўз ичига олади.