«Давлатимиз учун миллий бирдамлик зарур...» — Арманистон президенти Армен Саркисян истеъфога чиқди
Фото: Sputnik
Арманистон президенти Армен Саркисян истеъфога чиқди.
Шу ҳақдаги тегишли баёнот давлат раҳбари сайтида эълон қилинди. Саркисяннинг аниқлик киритишича, унинг қарори ҳиссиётлар билан белгиланмаган.
«Давлатимиз учун миллий бирдамлик зарур бўлган бугунги оғир паллада президент институти ғийбат ва фитна назариялари объектига айланиши, бу жамоатчилик эътиборини энг муҳим масалалардан чалғитиши керак эмас», дейилади баёнотда.
Саркисяннинг айтишича, мамлакатда мақсади давлат раҳбари бўлган муайян сиёсий гуруҳлар мавжуд. Уларни президентнинг шахсий ҳаёти қизиқтиради.
«Бу «ташвиш» мени ахлоқ чегарасидан ташқарига чиқаради, пировардида булар менинг соғлиғимга бевосита таъсир қилади», дейди у.
Якунда у барча фуқароларга мамлакат учун оғир кунларда кўрсатган матонати, чидамлилиги, сабри ва жасорати учун, шунингдек, ҳарбийларга ҳам алоҳида миннатдорлик билдирди. Саркисян 2018 йилнинг 9 апрелидан буён Арманистонни бошқариб келаётган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг