Дам олиш кунлари об-ҳаво қандай бўлиши айтилди
Фото: Муҳсин Умурзоқов / «Халқ сўзи»
«Ўзгидромет» 26-27 апрель, дам олиш кунлари кузатиладиган об-ҳаво маълумотларини эълон қилди.
Унга кўра, Ўзбекистон ҳудуди бўйлаб ҳаво бироз булутли, баъзи жойларда ўзгарувчан бўлади, ёғингарчилик кутилмайди. Шамол шарқдан 7-12 м/с тезликда эсади, айрим жойларда чанг-тўзонлар билан 15-20 м/с гача кучайиши мумкин.
Ушбу кунларда ҳаво ҳароратининг кўтарилиши давом этади. 26 апрель куни кундузи ҳаво ҳарорати 27-30 даражагача, 27 апрель куни 32-35 даражагача исийди. Шимол, жануб ва чўл ҳудудларининг баъзи жойларида ҳарорат дам олиш кунлари 36-39 даражагача исийди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг