"COVID-19"га қарши мажбурий эмлашга фаол қаршилик қилган депутат коронавирусдан вафот этди
Фото: РИА Новости
"COVID-19"га қарши мажбурий эмлашга фаол қаршилик кўрсатган Ярославл вилоят думаси депутати, Россия Коммунистик партияси Ярославл вилоят қўмитасининг биринчи котиби Александр Воробёв коронавирусдан вафот этган. Бу ҳақда партиянинг вилоят бўлими матбуот хизмати хабар берди.
Манбага кўра, Воробёв 9 августда касалхонага ётқизилган. Унга ўпканинг 60 фоиз зарарланиш ташхисини қўйилган. Кейинчалик унинг юрагида ҳам муаммолар пайдо бўлган. Шундан сўнг депутат жонлантириш бўлимига олинган. Кўрсатилган тиббий ёрдамга қарамай Александр Воробёв 25 август куни ҳаётдан кўз юмган.
72 ёшли сиёсатчи ўз тарафдорлари билан мамлакатда коронавирусга қарши мажбурий эмлашга фаол қаршилик кўрсатиб, ҳатто намойишлар ҳам ташкил этган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг