"COVID-19": Туркияда кунлик янги ҳолатлар рекорд даражада кўпаймоқда
Фото: globallookpress.com
Туркияда пандемия бошидан бери "COVID-19" юқтириш ҳолатларининг кунлик кўпайиши бўйича рекорд қайд этилди.
Республика Соғлиқни сақлаш вазирлигининг маълумотларига кўра, охирги суткада 42 308 кишида инфекция аниқланган. "COVID-19" юқтирганларнинг умумий сони 3,4 миллионга етган, 3,059 миллион киши касалликдан тузалган, 31 892 нафар бемор ҳаётдан кўз юмган.
Туркияда аҳолини оммавий эмлаш шу йилнинг 14 январь куни бошланган эди. Мамлакат Хитойнинг "CoronaVac" вакцинасидан фойдаланилмоқда. Март ойида эса "Pfizer/BioNTech" (АҚШ/Германия) вакцинасидан ҳам фойдаланишга рухсат берилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг