Буюк Британия ва Франция сунъий интеллектга сармоя киритишни кучайтирмоқда
Хабарларда айтилишича, Франция ва Буюк Британия сунъий интеллектга юзлаб миллион доллар сармоя киритилишини эълон қилди, чунки Европа AҚШ ва Хитойни қувиб ўтишга ҳаракат қилмоқда.
Унга кўра, Буюк Британия ва Франция раҳбарлари ўз мамлакатларини сунъий интеллектни тадқиқ қилиш ва ривожлантириш марказлари сифатида кўрсатиш учун барча саъй-ҳаракатларини амалга оширишди. Жумладан, Эммануэл Макрон Европанинг энг йирик технологик кўргазмаларидан бири бўлган “VivaTech” кўргазмасида сўзлаган нутқида, Францияни “сунъий интеллект бўйича чемпион”га айлантириш учун 500 миллион евро сармоя киритилишини таъкидлаган.
“Биз бир вақтнинг ўзида тадқиқотлар, инновациялар ва кучли экотизим қуришни жадаллаштиришимиз ва тартибга солишда иштирок этишимиз керак, унинг доираси имкон қадар кенг бўлиши керак”, деди Э.Макрон.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг