Буркина-Фасода юз киши жангарилар ҳужуми оқибатида ҳалок бўлди
Фото: Reuters
Жангарилар томонидан Буркина-Фасо шимолида уюштирилган ҳужум оқибатида юздан ортиқ одам ҳалок бўлган. Бу ҳақда "Reuters" хабар бермоқда.
Мамлакат ҳукумати бу сўнгги беш йил ичида амалга оширилган энг йирик ҳужум эканлигини таъкидлади. Босқинчилик Яга провинциясидаги қишлоқлардан бирида амалга оширилган. Мамлакатда мотам эълон қилинди.
Апрель ойида, бедарак йўқолгани икки нафар испаниялик журналист Буркина-Фасода ўлдирилгани маълум бўлди. Бу ҳақда Испания ташқи ишлар вазири Аранча Гонсалес Лая айтиб ўтди. Қайд этилишича, журналистлар бу ерга ҳужжатли фильм суратга олиш учун келган экан.
Буркина-Фасо ҳудудида «Ал-Қоида» ва «ИШИД» террористик гуруҳларига алоқадор жангари тўдалар фаолият юритаётгани туфайли хавфсизлик масаласида муаммолар кузатилмоқда. Гарчи Франция ва БМТ ёрдамига қарамай, жангарилар армия ва тинч аҳолига ҳужум қилади. Улар кўпинча одамларни, шу жумладан, чет эл фуқароларини гаровга олади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг