Бухорода автобус ёниб кетди
Бугун соат 09:18 ларда, Бухоро тумани «Шергирон» МФЙ ҳудудида жойлашган автобекатда турган «Амир Транс» МЧЖга тегишли “ISUZU” русумидаги автобусда ёнғин содир бўлган.
Оралиқ масофа 1,5 км.ни ташкил этиб, ёнғин ўчириш экипажлари соат 09:19 да ёнғин содир бўлган ҳудудга етиб борган ва соат 09:21 да ёнғин қуршаб олинган ҳамда 09:33 да ёнғин тўлиқ бартараф этилган. Бу ҳақда ФВВ хабар берди.
Қайд этилишича, автобуснинг мотор қисмида юзага келган электр ўтказгич тизимидаги қисқа туташув ёнғиннинг келиб чиқишига сабаб сифатида тахмин қилинмоқда.
Ёнғин натижасида жароҳатланганлар ва вафот этганлар мавжуд эмас.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг