Олий Мажлис Қонунчилик палатасининг мажлисида «Банклар ва банк фаолияти тўғрисида»ги Ўзбекистон Республикаси Қонунига банклар устав капиталининг энг кам миқдорини босқичма-босқич оширишга қаратилган ўзгартишлар киритиш ҳақида»ги қонун лойиҳаси биринчи ўқишда кўриб чиқилди.

Қонун лойиҳаси билан банк устав капиталининг энг кам миқдорини босқичма-босқич беш юз миллиард сўмгача ошириш таклиф этилмоқда. Шунингдек, давлатда ва (ёки) ҳудудда яшайдиган норезидент бўлган жисмоний шахслар ҳамда шундай давлатда рўйхатга олинган юридик шахслар, акциядорлар (иштирокчилар), охирги бенефициар мулкдорлар банк акцияларининг бевосита ёки билвосита эгалик қилувчилари бўлиши мумкин эмаслиги тўғрисидаги чекловни қайта кўриб чиқиш назарда тутиляпти.

Таклиф этилаётган ўзгартиришлар банкларнинг капиталлашув даражасини янада ошириш ва ресурс базасини кўпайтиришга, иқтисодиётни таркибий ўзгартириш жараёнларида уларнинг иштирокини кенгайтиришга, банкларнинг инвестициявий жозибадорлигини ошириш орқали банк секторига стратегик хорижий инвесторларни жалб қилишга хизмат қилади.

Мажлисда қонун лойиҳаси қабул қилинди.

Олий Мажлис Қонунчилик палатасининг мажлиси ўз ишини якунлади.