Бангкок мэри карантин талабига риоя қилмагани учун Таиланд Бош вазирини жаримага тортди
Бангкок мэри Асавин Кхуанмианг Таиланд Бош вазири, генерал Прают Чан-Очани ниқоб тақмагани учун жаримага тортди.
Шаҳар раҳбарининг айтишича, Ҳукумат уйида эрталабки мажлисда Бош вазир ниқобсиз бўлган ва душанба кунидан кучга кирган шаҳар мэрининг шахсий ҳимоя воситаларидан фойдаланиш шартлиги тўғрисидаги ҳужжатга риоя этмаган. Шу боис энди Прают Чан-Оча тахминан 190 АҚШ доллари миқдорида жарима тўлайди.
Ҳукумат уйи Таиланд пойтахтининг тарихий қисмида жойлашган. Шу боис бу ерда шаҳар мэрининг ҳужжатларига сўзсиз амал қилиниши лозим. Бош вазир ушбу ҳужжатни биринчи марта бузганлиги учун белгиланган миқдорда жаримага тортилди. Агар у яна бу ишини такрорласа жарима миқдори ҳам ортиб бораверади.
Аслида, мамлакатдаги амалдаги тартиб қоидаларга кўра, ниқоб йўқлиги учун тахминан 636 AҚШ доллари миқдорида жарима солинади. Ниқобни бир нечта одам бўлган шахсий машинада, гарчи унда бир оила аъзолари кетаётган бўлса ҳам тақиш шарт.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг