Байденнинг хорижга президент сифатидаги илк сафари қайси мамлакатга амалга оширилиши маълум бўлди
AҚШ президенти Жо Байден 2021 йилнинг июнь ойида биринчи хориж сафарини амалга оширади. Бу ҳақда Оқ уй томонидан маълум қилинди.
Манбага кўра, жорий йилнинг июнь ойида АҚШ раҳбари Буюк Британия ва Бельгияга ташриф буюради.
Байден, дастлаб, 11-13 июнь кунлари Буюк Британиянинг Корнуолл шаҳрида бўлиб ўтадиган G7 саммитида иштирок этади. Шунингдек, у Буюк Британиянинг Бош вазири Борис Жонсон ва бошқа G7га аъзо мамлакатлар раҳбарлари билан икки томонлама учрашувлар ўтказади.
Кейин эса Байден 14 июнь куни Брюсселда бўлиб ўтадиган НAТО саммитида иштирок этади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг