Аргентина ўрмон ёнғинлари қуршовида. Мамлакат «тилсиз ёв»га қарши курашиш учун халқаро ҳамжамиятдан ёрдам сўради
Фото: mir24.tv
Аргентина ҳалокатли ўрмон ёнғинига дош бера олмаяпти. Шу боис мамлакат ёнғинни ўчириш учун халқаро ёрдам сўраган.
Таъкидланишича, ёнғинни ердан ўчиришнинг иложи йўқ. Бунинг учун самолётлар керак. Энг қийин вазият ҳозир Корриентес провинциясида. У ерда аланга деярли 800 минг гектар ўрмонни вайрон қилган. Ҳудуд экологик ҳалокат зонаси деб эълон қилинди.
Биринчи ўрмон ёнғинлари ўтган ойнинг ўрталарида пайдо бўлган эди. Олов тезда нафақат ўрмонларни, балки ботқоқларни ҳам қопладилар. Вазият кучли қурғоқчилик туфайли янада оғирлашади. Дастлабки ҳисоб-китобларга кўра, ўрмон ёнғинлари туфайли мамлакат иқтисодиётига 400 миллион доллардан кўп зарар етган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг