АҚШнинг энг масъулиятли иш берувчиси номи эълон қилинди
Билл Гейтс томонидан асос солинган “Microsoft” кетма-кет учинчи маротаба Қўшма Штатлардаги 100 та энг масъулиятли корпорациялари йиллик рейтингида биринчи ўринни эгаллади.
“Forbes” хабарига кўра, янгиланган рўйхатнинг биринчи бешлигидан “Microsoft” дан ташқари “NVIDIA”, “Apple”, “Intel” ва “Alphabet” жой олган.
“Forbes” рейтингни “Just Capital” нотижорат ташкилоти билан биргаликда “Russell 1000” индексидаги АҚШнинг 928 та энг йирик давлат корпорациялари тўғрисидаги маълумотларни ўрганиб чиққан.
Очиқ корпоратив ҳисоботлар ҳамда изланишлардан ташқари, рейтингни тузишда 110 минг америкаликлар ўртасида ўтказилган сўров натижалари ҳам инобатга олинган.
Жорий йилда тўртинчи маротаба эълон қилинаётган “Just100” рейтингида 2017 йилда “Intel” биринчи ўринни эгаллаган. Шундан сўнг “Microsoft” кетма-кет уч йил давомида ушбу поғонани қўлдан бермай келмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг