АҚШда Трампнинг Эрон билан уруш борасидаги ваколатларини чеклашга яна уриниб кўришмоқчи
АҚШда келаси ҳафта Эрон билан урушни тўхтатишга қаратилган резолюцияни қабул қилишга яна бир бор уриниб кўрилади. Бу ҳақда Reuters агентлиги АҚШ Сенатидаги Демократик партия етакчиси Чак Шумерга таяниб хабар бермоқда.
Шумернинг таъкидлашича, демократлар президент Дональд Трампни ҳар қандай кейинги ҳарбий ҳаракатлар учун Конгрессдан рухсат олишга мажбурловчи тартибни жорий этишга интилади.
Демократ Эронга қарши ҳарбий низони танқид қилиб, бу Ислом Республикаси ҳукуматини заифлатмаганини, ядровий дастурни тўхтатиб қолмаганини ва жаҳонда ёнилғи нархларининг ошишига олиб келганини айтди. У Трампнинг баёнотларини «ноадекват» деб атади.
Эслатиб ўтамиз, март ойининг ўрталарида АҚШ Сенати демократларнинг Трампнинг ҳарбий ваколатларини чеклаш тўғрисидаги резолюциясини иккинчи бор рад этган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг