АҚШда COVID-19дан 100 минг инсон вафот этиши мумкин
АҚШ президенти Дональд Трамп мамлакатда коронавирус қурбонлари бўйича янги прогнозини эълон қилди. У бу ҳақда Fox News журналистларига гапириб ўтган.
Унинг сўзларига кўра, мамлакатда коронавирусга чалинганларнинг 100 минг нафари ҳаётдан кўз юмиши мумкин. Бу ўтган галги прогнозлардан анча кўпдир.
“Биз 75-80 мингдан 100 минг нафаргача инсонларни йўқотамиз“, — дея буни “даҳшатли ҳолат“ деб атаган Трамп.
Оқ уй раҳбари 15 апрель куни АҚШда коронавирус чўққиси ортда қолганини эълон қилганди. Кейинроқ эса қурбонлар сони 60-65 минг нафарга етиши, агар ҳукумат ҳеч нарса қилмаганида, 2,2 млн. киши дунёдан кўз юмиши мумкинлигини таъкидлаганди.
Айни пайтга келиб дунёда тождор вирусга чалинганлар сони 3,5 млн. атрофида бўлса, шуларнинг учдан бир қисми АҚШдадир. Мамлакатда 70 мингдан зиёд инсон вафот этган, 160 мингдан ортиғи тузалган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг