АҚШ тарихида биринчи марта туб америкалик аёл вазирликка тайинланди
Фото: Getty Images
АҚШ Сенати туб америкалик Деб Хааландни АҚШ Ички ишлар вазири лавозимига тасдиқлади.
Бу ҳақда CNN Конгресснинг юқори палатасидаги овоз бериш натижаларига асосланиб хабар бермоқда. Шу тариқа 60 ёшли Хааланд вазир этиб тайинланган биринчи туб америкалик аёл бўлди.
Таъкидланишича, у ердан фойдаланиш масалалари билан шуғулланади, шунингдек АҚШ президенти Жо Байден томонидан таклиф қилинган иқлим ўзгариши сиёсатини амалга оширишда иштирок этади.
Аввалроқ сиёсатчи ҳукумат ва қабилалар ўртасидаги Трамп маъмурияти томонидан бузилган муносабатларни тиклашда Байденнинг жамоасига ёрдам бериш унинг учун катта шараф эканини, айтиб ўтган эди.
Хааланд Нью-Мексико штатидаги Альбукерке шаҳри яқинида яшовчи Лагуна Пуэбло ҳинд қабиласининг аъзоси ҳисобланади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг