Андижонда Тиббиёт институти клиникаси негизида кўп тармоқли тиббиёт маркази ташкил қилинади
Андижонга ҳар йили 10 минг хорижий сайёҳ арзон ва сифатли тиббий ёрдам олиш учун келади. Шу муносабат билан кардио-, эндо- ва микрохирургия йўналишида тиббий хизмат экспортини 2 баробар ошириш мумкинлиги таъкидланди.
Мутасаддиларга йил якунигача 126 турдаги тиббий ускуна билан жиҳозлашга 7 миллион доллар жалб қилиш топширилди.
Вилоятда даволаш ва диагностика хизматлари оқилона жойлашмагани кўрсатиб ўтилди. Биргина Андижон шаҳрида 1,5 километр радиусда 8 та шифохона жойлашган.
Уларни кластер усулида бирлаштириб, аҳолига янада қулай ва сифатли тиббий хизматни йўлга қўйиш муҳимлиги қайд этилиб, Тиббиёт институти клиникаси негизида кўп тармоқли тиббиёт маркази ташкил қилиш масаласини ўрганиш топширилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг