Андижон бозорларида 330 килограмм яроқсиз маҳсулот олиб қўйилди
Андижон вилояти деҳқон бозорларида яроқсиз озиқ-овқат маҳсулотлари аниқланди. Бу ҳақда ИИВ матбуот хизмати хабар берди.
Маълумотларга кўра, жорий йилнинг 5 январь куни «Қўштепа» ва «Булоқбоши» бозорларида келиб чиқиши номаълум бўлган жами 330 кг яроқсиз товарлар олиб қўйилган.
Шундан:
117 кг гўшт ва гўшт маҳсулотлари;
келиб чиқиши номаълум бўлган 161 кг тузлама;
52 кг сут маҳсулотлари.
Қўлга олинган маҳсулотлар йўқ қилиш учун ветеринария ва чорвачиликни ривожлантириш бошқармасига топширилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг