Америка компанияси коинотга саёҳат учун чипталар сотуви бошланганини эълон қилди
Фото: Virgin Galactic
Американинг "Virgin Galactic" компанияси сайёҳлар учун коинотга чипталар сотуви бошланганини эълон қилди. Битта чиптанинг минимал нархи 450 000 долларни ташкил қилади. Улар 16 февралдан савдога чиқарилган.
Саёҳат 90 дақиқа давом этади. Компания коинотга сайр ҳайратланарли онларни тақдим этишини ваъда қилмоқда. Компания 2022 йил давомида 1000 та чипта сотиш ва уларнинг эгаларини коинотга юборишни режалаштирган.
Чипта нархига бўлажак астронавтлар учун бир неча кунлик тайёргарлик, шунингдек, қулайликларга эга индивидуал турар жой киради. Парвозлар Нью-Мехикода амалга оширилади.
Чипталар сотуви бошлангани эълон қилиниши билан "Virgin Galactic«нинг акциялари нархи 10 фоизга ошган. Ваҳоланки, ўтган йил уларнинг қиймати 85 фоизга пасайган эди.
Эслатиб ўтамиз, "Virgin Galactic“ эгаси Ричард Бренсон 2021 йилнинг июль ойида коинотга учган эди. Ундан бир неча кун ўтиб Ер юзининг энг бой одами Жефф Безос ҳам фазога «айланиб келган» эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг