Александр Лукашенко коронавирусга чалиниб, тузалганини тан олди
Беларус Президенти Александр Лукашенко коронавирус билан касалланганини маълум қилди. У бу ҳақда мамлакат Ички ишлар вазирлигининг Минскдаги ҳарбий қисмига ташрифи чоғида айтиб ўтди. Давлат раҳбарида хасталик симптомсиз кечган.
«Овозим учун узр сўрайман. Сўнгги пайтларда жуда кўп гапиришга тўғри келяпти. Аммо энг ҳайратланарлиси шундаки, бугун сиз коронавирусни оёқларда ўтказиб, омон қолган инсон билан учрашиб турибсиз», деди Беларус етакчиси.
У шифокорлар бир кун олдин тегишли хулоса беришганини қайд этди. «Айтганимдек, аҳолимизнинг 97 фоизи бу инфекцияни симптомсиз ўтказди. Ва ниҳоят, мен ҳам ушбу вирусни юқтириб, Беларуснинг олтин фондига тушдим», дея қўшимча қилди Лукашенко.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг