Академик лицейларга кириш тест синовлари натижаси 5 кундан кейин эълон қилинади
2023 йил 24 июль куни Олий таълим, фан ва инновациялар вазирлиги ҳузуридаги Билимни баҳолаш агентлиги томонидан 2023/2024-ўқув йили учун академик лицейларга кириш тест синовлари ўтказилди.
Тест синовлари республикадаги 29 та катта сиғимли бинода 2 сменада ташкил этилиб, унда 28 минг нафардан зиёд талабгор иштирок этди.
Тест синовлари таълим йўналишига мос 2 та фан ва интеллектуал қобилият даражаси (ИҚ) ни аниқлаш бўйича ўтказилди.
Бунда талабгорларга ҳар бир фандан 20 тадан жами 60 та тест топшириғи ва уларни ишлаш учун 1 соату 50 дақиқа вақт берилди.
Тест синови натижалари агентлик томонидан 5 кун ичида ҳисобланиб, Олий таълим, фан ва инновациялар вазирлигига тақдим этилгандан сўнг эълон қилинади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг