А серияда «Наполи» етакчиликни қўлдан чиқарди
Кеча, Италия А сериясида 15-тур ўйинлари бўлиб ўтди. Кун доирасида ўрин олган баҳсда мусобақанинг амалдаги чемпиони ва шу кунгача янги мавсумда ҳам пешқадам бўлиб келган «Наполи» клуби сафардa «Удинезе» жамоаси меҳмони бўлди.
Учрашувда мезбонлар 1:0 ҳисобида ғалабага эришди. Ўйинда киритилган ягона голга «Удинезе»нинг 25 ёшли нидерландиялик ярим ҳимоячиси Юрген Эккеленкамп муаллифлик қилди.
Шу тариқа муҳим ўйинда мағлубиятга учраган «Наполи» жамоаси турнир жадвалида 1-ўриндан 3-ўринга тушиб кетди. Ўйинда ғалаба қозонган «Удинезе» клуби эса А серия жадвалида 10-ўринга кўтарилиб олди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг