2025 йилда 1,9 минг киши тақиқланган экинларни эккани учун жавобгарликка тортилган
Иллюстратив фото
2025 йилда Жиноят кодексининг 270-моддаси (тақиқланган экинларни етиштириш) билан 1 912 нафар шахс судланиб, жиноий жавобгарликка тортилган. Бу ҳақда Олий суд матбуот котиби Азиз Абидов маълум қилди.
Қайд этилишича, судланган шахсларнинг 211 нафарига нисбатан озодликдан маҳрум қилиш, 1 687 нафарига озодликдан маҳрум қилиш билан боғлиқ бўлмаган жазолар тайинланган.
Шунингдек, 14 нафар шахсга нисбатан шартли ҳукм чиқарилган. 4 нафар шахсга тиббий йўсиндаги мажбурлов чоралари қўлланилди.
Билдирилишича, ушбу жиноят тури билан боғлиқ энг кўп ишлар Фарғона, Самарқанд, Тошкент, Бухоро ва Қашқадарё вилоятларида кўрилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг