Фото: Архив сурат

БМТ Бош котиби Антониу Гутерриш Ер юзи аҳолисига Янги йил мурожаатини йўллади.

БМТ раҳбари Янги йилнинг кириб келиши ҳар сафар қайта туғилиш они эканлигини қайд этар экан, «эски йилнинг кулини супуриб ташлаш» ва «янги порлоқ кун»га ҳозирлик кўриш вақти келганини таъкидлади.

Якунланаётган 2022 йил жуда мураккаб йил бўлди, деди БМТ Бош котиби. Унинг айтишича, бутун дунё бўйлаб урушлар, ўрмон ёнғинлари, қурғоқчилик, камбағаллик ва очликдан қочиб, юз миллионга яқин одам ўз уйини ташлаб кетди. «2023 йилда биз тинчликка эришмоғимиз лозимки, ҳозир ҳар қачонгидан ҳам зарурдир», деди Бош котиб.

У, шунингдек, бугун биз бир-бирларимиз билан мулоқот қилиш кўмагида тинчликни ўрнатиш, низоларга чек қўйиш лозимлигини қўшимча қилди. БМТ Бош котиби, барқарор келажак учун табиат билан тинчликни асраш лозимлигини ҳам қайд этди. У ўз уйларида аёллар ва қизлар муносиб ва ​​хавфсиз яшашлари тинчлик бўлиши зарур эканлигини эслатиб ўтди.

«Антониу Гутерриш 2023 йилда инсоният тинчликка эришишни ўз сўзлари ва саъй-ҳаракатларининг асосий мақсадига айлантирмоғи лозимлигига амин эканлигини билдирди. Келинг биргакликда шундай қилайликки, 2023 йил ҳаётимизда, уйларимизда ва сайёрамизда тинчлик ўрнатилган йил бўлиб қолсин», деди БМТ Бош котиби ўз мурожаати хотимасида.