2022 йил январь ойида 310 минг доза Pfizer-BioNTech вакцинаси олиб келиш кўзда тутилган
АОКАда юртимиздаги коронавирус билан боғлиқ мавжуд эпидемиологик ҳолат юзасидан Соғлиқни сақлаш вазирлиги томонидан ташкил этилган матбуот анжумани бўлиб ўтди.
Унда иштирок этган соғлиқни сақлаш вазири ўринбосари – Тошкент шаҳар соғлиқни сақлаш бош бошқармаси бошлиғи Анвар Алимовнинг таъкидлашича, 2022 йил январь ойида Pfizer-BioNTech вакцинасидан 310 минг доза олиб келиш кўзда тутилган.
Шунингдек, юртимизда 2021 йил июнь ойининг иккинчи ярмидан бошлаб касалланиш кўрсаткичлари ўсгани айтиб ўтилди. Июль ойида касаллик аниқланишининг юқори чўққисига чиққан бўлса, август ойининг биринчи ярмида бироз стабиль ҳолат юзага келган.
Август ойининг иккинчи ярми ва сентябрь ойидан бошлаб касаллик аниқланишининг пасайиши кузатилганлиги ҳамда сўнгги бир ҳафта давомида касалланишнинг ошганлиги қайд этилмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг