105 ёшли уруш қатнашчиси вафот этди
Темур ЭШБОЕВ/«Халқ сўзи». Навоий вилоятининг Кармана туманидаги Дўрман маҳалласида истиқомат қилган уруш ва меҳнат фахрийси Пирназар бобо Турдиев вафот этди.
Пирназар бобо урушнинг дастлабки кунларидаёқ ҳарбий хизматга чақирилиб, 1947 йилда юртга қайтган. Тўрт марта қаттиқ яралган. Икки бор уйига қорахат келган.
Фронтдан қайтгач, қирқ йил жамоа хўжалигининг трактор паркида темирчилик қилган.
Бобо ҳаёт бўлганида жорий йилнинг 20 майида 106 ёшни қарши оларди. Умрининг охиригача фаоллик кўрсатган П. Турдиев мамлакатимиздаги сиёсий жараёнлар — сайлов ва референдумларга ўз оёғи билан келиб, жамоат ишларида ҳам иштирок этишни канда қилмаган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг