Illyustrativ foto

Donald Tramp AQSH prezidenti boʻlganida goʻyoki Rossiyaga “Shimoliy oqim 2” gaz quvurini qurib, ishga tushirishga ruxsat bermagan. Biroq uning vorisi Moskvaga buni amalga oshirish imkoniyatini bergan.

Siyosatchi bundan xulosa qiladiki, Jo Bayden Vladimir Putin va Si Szinpin va boshqa har qanday dunyo yetakchisi qoʻlidagi qoʻgʻirchoqdir.

Buni Tramp oʻzining “Truth Social” ijtimoiy tarmogʻida Amerika prezidentining Kongress aʼzolari oldidagi nutqiga izoh berib yozdi.

U AQSHning amaldagi rahbarining goʻyo Rossiya va Xitoyga qarshi kurashayotgani haqidagi bayonotini rad etadi, aslida Trampning taʼkidlashicha, prezident Vladimir Putin va rais Si Szinpin Baydenni mohirona manipulyatsiya qilmoqda.

“U ularga hamma narsani, shu jumladan Ukrainani ham berdi” — deydi Tramp.

AQSHning sobiq prezidentining fikricha, Rossiya maxsus operatsiyasining boshlanishiga asosiy sabab Rossiya prezidenti Vladimir Putinning Baydenga nisbatan hurmatsiz munosabatidir.

Umuman olganda, Tramp AQSH yetakchisining nutqini mamlakat uchun sharmandalik deb atadi.

Mashhur teleboshlovchi Taker Karlson ham prezidentning amerikalik qonunchilar oldidagi nutqini tanqid qildi. U buni amerikacha boʻlmagan, deya taʼrifladi.