Vengriya elchisi Oʻzbekistondagi diplomatik missiyasini yakunlayapti
Oʻzbekiston tashqi ishlar vaziri Baxtiyor Saidov kecha mamlakatimizdagi diplomatik missiyasini yakunlayotgan Vengriya elchisi Dyula Kovachni qabul qildi.
«Vengriya elchisi Dyula Kovach janoblariga mamlakatimizdagi faoliyati davomida Oʻzbekiston-Vengri ikki tomonlama munosabatlarini strategik sheriklik darajasiga koʻtarishga qoʻshgan muhim hissasi uchun samimiy minnatdorlik bildirdik,- deb yozdi Oʻzbekiston TIV rahbari oʻzining telegram kanalida. - Janob elchi Oʻzbekistondagi diplomatik missiyasini yakunlar ekan, unga kelajakda ulkan muvaffaqiyatlar tilaymiz».
Eslatib oʻtamiz, Dyula Kovach 2021-yil 27-dekabr kuni Oʻzbekiston Prezidentiga ishonch yorliqlarini topshirgan edi. U Toshkentda Vengriya elchixonasini ochgan va unga 2016-2021-yillarda rahbarlik qilgan Peter Santoning oʻrnini egallagan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring