“Tutqunlik” filmi xalqaro kinofestival dasturidan oʻrin oldi
Kinematografiya agentligi buyurtmasiga binoan Rashid Malikov rejissyorligida suratga olingan “Tutqunlik” badiiy filmi Rossiyada noyabr oyida boʻlib oʻtadigan “Volokolamskiy rubej” harbiy-vatanparvarlik kinofestivali dasturidan oʻrin oldi.
Mazkur kinokartina yaqinda Turkiyaning “Korkut Ata” xalqaro kinofestivalida ishtirok etib, hakamlar hayʼatining maxsus sovriniga sazovor boʻlgan edi.
“Volokolamskiy rubej” harbiy-vatanparvarlik kinofestivali joriy yilning 16 — 20-noyabr kunlari Moskva viloyatining qadimgi Volokolamsk shahrida boʻlib oʻtadi.
Maʼlumot uchun, 2018-yilda rejissyor Rashid Malikovning “Sabot” badiiy filmi mazkur kinofestivalning “Gran-pri” sovriniga ega boʻlgan edi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring