Foto: AI

Toshkent shahrining Shayxontohur, Olmazor, Chilonzor va Yunusobod tumanlarining ayrim hududlarida issiq suv vaqtincha oʻchiriladi. Bu haqda poytaxtni issiq suv bilan taʼminlovchi issiqlik taʼminoti operatori — “Veolia Energy” maʼlum qildi.

Qayd etilishicha, bugun, 24-mart kuni issiqlik tarmoqlarining maksimal haroratga chidamliligi sinovdan oʻtkaziladi. Shu munosabat bilan shu kuni soat 9:00 dan 18:00 gacha quyidagi manzillarda issiq suv taʼminoti vaqtincha toʻxtatiladi:

Shayxontohur tumani

• Koʻchalar va prospektlar: Navoiy, Beruniy, Islom Karimov, Samarqand Darvoza, Abay, Abdulla Qodiriy, Chorsu, Gulobod.
• Maydonlar va mavzelar: Chorsu, Qoratosh.
• Mavzelar va dahalar: Markaz-10, 11, 13, 14.

Olmazor tumani

• Koʻchalar va prospektlar: Olmazor, Kichik halqa yoʻli, Mannon Uygʻur, Qoraqamish, Huvaydo.
• Mavze: Olmazor.
• Mavzelar va dahalar: Qoraqamish 2/1, 2/2, Markaz-26, 27, 28.

Chilonzor tumani

• Koʻchalar va prospektlar: Bunyodkor, Paxtakor, Furqat, Beshyogʻoch, Talabalar, Nurafshon, Ziyo, Shifonur.
• Mavze: Beshyogʻoch.
• Mavzelar va dahalar: B-1, B-2, B-3.

Yunusobod tumani

• Koʻchalar: Ahmad Donish, Shahriston, Yangi Yunusobod, Yunus ota, Juma masjid.
• Mavzelar va dahalar: №2–19, Yangi shahar, Dehqonobod, Sohibkor, Uch Qahramon, Moyqoʻrgʻon, Quloqtepa.

Bildirilishicha, sinovlar kelasi isitish mavsumiga puxta tayyorgarlik koʻrish maqsadida oʻtkazilmoqda.

Maksimal haroratdagi sinovlar davomida quvur tizimlariga yuklama qisqa muddatli oshiriladi, bu esa issiq suv yoʻllar va trotuarlarga chiqib ketishiga olib kelishi mumkin.

“Haydovchilar, piyodalar, maʼmuriy binolardan foydalanuvchilar va turar-joy binolari aholisidan ehtiyotkorlikka rioya etish soʻraladi!” deyilgan xabarda.

Nosozliklar boʻyicha quyidagi raqamga xabar berishingiz mumkin: 78 129-01-85