Toshkentda yana bir xonadonda gaz chaqnashi yuz berdi
Videodan kadr
Toshkent shahridagi koʻp qavatli uylarning birida chaqnash sodir boʻldi. Poytaxt FVB holat yuzasidan maʼlumot berdi.
Qayd etilishicha, bugun, 1-mart kuni soat 15:23 da shahar Favqulodda vaziyatlar boshqarmasiga Mirzo Ulugʻbek tumani, Qorasuv-4 mavzesida joylashgan koʻp qavatli uylarning biridagi xonadonda chaqnash sodir boʻlgani toʻgʻrisida xabar tushgan.
Aytilgan manzilga yongʻin-qutqaruv ekipajlari, FVB, IIBB, SSB, prokuratura va boshqa tegishli tashkilotlar xodimlari yetib borgan.
Taʼkidlanishicha, hodisa yuz bergan manzildagi qutqaruv ishlari davomida 5 nafar fuqaro yordam koʻrsatilgan, halok boʻlganlar toʻgʻrisida maʼlumot kelib tushmagan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring