Surxondaryo viloyati IIB ijtimoiy tarmoqlarda tarqalgan viloyatdagi maktablardan birining oʻqituvchilari oʻzaro janjallashayotgani tasvirlangan videoga munosabat bildirdi.

Maʼlum qilinishicha, 23-avgust kuni soat 10:00 larda viloyatning Qumqoʻrgʻon tumani 59-sonli umumiy oʻrta taʼlim maktabida oʻqituvchi boʻlib ishlovchi R.Azizbek, N.Nurilla, N.Nasiba, M.Baxtiyor oʻzlariga oldindan tanish boʻlgan shu maktabda oʻqituvchi boʻlib ishlovchi D.Xaitmurod oʻrtasida kelishmovchilik yuzaga kelgan. Buning oqibatida ular bir-biri bilan janjallashib, urib-doʻpposlab, badanga yengil shikast yetkazishda ifodalangan bezorilik jinoyatini qasddan sodir etgan.

Mazkur holat yuzasidan 24-avgustda Qumqoʻrgʻon tumani IIB huzuridagi tergov boʻlinmasi tomonidan R.Azizbek, N.Nasiba, N.Nurilla, M.Baxtiyor va D.Xaitmurodga nisbatan Jinoyat kodeksining 277-moddasi 2-qismi «b» bandi bilan jinoyat ishi qoʻzgʻatilgan. Shu kunning oʻzida gumon qilinuvchi R.Azizbek, N.Nurilla, M.Baxtiyor va D.Xaitmurod Jinoyat-protsessual kodeksining 221-moddasi tartibida ushlangan.

Hozirgi kunda Qumqoʻrgʻon tumani IIB huzuridagi Tergov boʻlimi tomonidan tergov harakatlari olib borilmoqda.