Sifati kafolatlanmagan dori vositalari fosh etildi
Yurtimizga sifati kafolatlanmagan dori vositalarini yashirincha olib kirishga boʻlgan urinishlarga qarshi viloyat bojxonachilari tomonidan keskin kurash olib borilmoqda.
Toshkent viloyati bojxona boshqarmasi “Yallama” chegara bojxona postiga qoʻshni mamlakatdan “CAPTIVA” rusumli avtoulovda kirib kelgan fuqaroning qoʻl yuklari oʻrnatilgan tartibda bojxona koʻrigidan oʻtkazildi.
Natijada ruxsat beruvchi hech qanday hujjatlari boʻlmagan yoʻlovchi bojxona deklaratsiyasida koʻrsatilmagan va ogʻzaki soʻrovda maʼlum qilinmagan fuqaroning sumkasidan qiymati 53 mln. soʻmlik dori vositalari borligi aniqlandi.
Hozirda holat yuzasidan bojxona organlari tomonidan surishtiruv ishlari olib borilmoqda.
Eslatib oʻtamiz, Aholini sifatli, samarali va xavfsiz farmatsevtika mahsulotlari bilan taʼminlash maqsadida “Dorilar va farmasevtika faoliyat haqida” Qonuniga muvofiq, dori vositalarini realizatsiya qilish faqat dorixonalar tomonidan amalga oshiriladi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring