Samarqand viloyatida 2020-2021-yillarda suvni tejaydigan sugʻorish texnologiyalarini joriy etish va ushbu texnologiyalar natijalarini targʻib qilish boʻyicha chora-tadbirlar rejasi belgilandi, deb xabar bermoqda “Zarafshon” irrigatsiya tizimlari havza boshqarmasi matbuot xizmati.

Unga koʻra, viloyatdagi kasb-hunar kollejlarining oʻquv dala uchastkalarida 1 gektar maydonda har xil turdagi suv tejovchi texnologiyalarning koʻrgazmali uchastkalari tashkil etiladi.

Suv tejovchi texnologiyalarni joriy etadigan tashabbuskorlar aniqlanib:

— 2020-yilda 4518 gektarda tomchilatib, 170 gektarda yomgʻirlatib, 100 gektarda diskret sugʻorish, 6800 gektarda koʻchma egiluvchan quvurlar yordamida;

— 2021-yilda 17190 gektarda tomchilatib, 168 gektarda yomgʻirlatib, 100 gektarda diskret sugʻorish tizimi, 5500 gektarda egiluvchan quvurlar orqali;

— 2022-yilda 6240 gektarda tomchilatib, 350 gektarda yomgʻirlatib, 300 gektarda diskret sugʻorish tizimi, 3900 gektarda koʻchma egiluvchan quvurlar yordamida;

— 2023-yilda 7488 gektarda tomchilatib, 500 gektarda yomgʻirlatib, 400 gektarda diskret sugʻorish tizimi, 3420 gektarda koʻchma egiluvchan quvurlar orqali sugʻorish tizimi joriy etiladi.

Abdulaziz Yoʻldoshev
(Xalq soʻzi)