“Real Madrid” PSJ futbolchisini sotib olmoqchi
“Real Madrid” PSJ futbolchisi Dezire Dueni transfer qilishga tayyorlanmoqda. Bu haqda “El Nacional” nashri xabar berdi.
Manbaga koʻra, Due Luis Enrike jamoasida oʻz oʻrnidan norozi va Parijni Madridga almashtirishga tayyor. “Real” fransiyalik futbolchiga Parij jamoasida olganidan koʻra koʻproq oʻyin vaqtini kafolatlashga tayyor.
Qoʻshimcha maʼlumotlarga koʻra, ushbu transfer Madrid klubiga 100 million yevroga tushishi mumkin va oʻz navbatida “Real” ham bunga qarshi emas.
Maʼlumot uchun, Due oʻtgan mavsumning eng yaxshi yosh futbolchisi sifatida “Golden Boy” mukofotini qoʻlga kiritgan. Joriy mavsumda esa futbolchi PSJ safida hozircha 8 ta gol urdi va 5 ta golli uzatmani amalga oshirdi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring