Qozogʻiston Prezidentini tantanali kutib olish marosimi boʻldi
Foto: president.uz
Toshkent shahridagi Xalqaro kongress markazida mamlakatimizda davlat tashrifi bilan boʻlib turgan Qozogʻiston Respublikasi Prezidentini rasmiy kutib olish marosimi boʻlib oʻtdi.
Prezidentlar Shavkat Mirziyoyev va Qasim-Jomart Toqayev shohsupaga koʻtarildilar. Oʻzbekiston va Qozogʻiston davlat madhiyalari yangradi.
Faxriy qorovul boʻlinmasi boshligʻi raport bergach, davlat rahbarlari qorovul safi oldidan oʻtib, oʻzbek harbiy xizmatchilarini qutladilar va Oʻzbekiston Respublikasi davlat bayrogʻiga ehtirom koʻrsatdilar.
Soʻng Prezidentlar rasmiy delegatsiyalar aʼzolarini bir-biriga tanishtirdi.
Birgalikda suratga tushish marosimidan soʻng davlat rahbarlari tor doirada muzokara oʻtkazish uchun moʻljallangan zalga oʻtdilar.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring