Qoraqalpogʻistonning Taxiatosh tumani hokimi qamoqqa olindi
Foto: Arxiv surat
Internet sahifalarida Taxiatosh tumani hokimi I.Matkarimov 100 mln. soʻm pora olganligi holati boʻyicha uning turmush oʻrtogʻi jinoyat ishi boʻyicha ayblanib, qamoqqa olingani haqida notoʻgʻri maʼlumotlar tarqatilmoqda.
Haqiqatdan ham, joriy yilning 01-noyabr kuni Taxiatosh tumani hokimi I.Matkarimov fermer xoʻjaligi rahbaridan firibgarlik yoʻli bilan 100 mln. soʻm pul olgani holati boʻyicha JKning 168-moddasi 3-qismi va 25,211-moddasi 2-qismi bilan jinoyat ishi qoʻzgʻatilib, qamoqqa olingan.
Jinoyat ishi boʻyicha tergov harakatlari Qoraqalpogʻiston Respublikasi prokuraturasi tomonidan olib borilmoqda.
Jinoyat ishi doirasida sobiq tuman hokimi Matkarimovning turmush oʻrtogʻi ayblanmagan va qamoqqa olinmagan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring