Foto: Buxoro viloyat sogʻliqni saqlash boshqarmasi

Buxoro viloyat sogʻliqni saqlash boshqarmasi boshligʻi Elyor Oltiyev Peshku tuman tibbiyot birlashmasida boʻldi.

Boshqarma boshligʻi bu yerda tibbiy xizmat koʻrsatish shart-sharoitlari, birlashmaning moddiy-texnik bazasi, kuz-qish mavsumiga tayyorgarlik jarayonlari bilan tanishdi. Shuningdek, birlashma tasarrufidagi boʻlimlardagi sanitar ahvol, dori-darmon zaxirasi va saqlash sharoitlari oʻrganildi. Tibbiy xizmatni yoʻlga qoʻyish jarayonidagi kamchiliklarni bartaraf qilish boʻyicha tegishli masʼullarga aniq koʻrsatmalar berildi.

Shundan soʻng boshqarma boshligʻi ishtirokida sayyor qabul oʻtkazildi.

Unda murojaatlar asosan aholi salomatligi bilan bogʻliq muammolarni tashkil etdi. Xususan, qabulga kelgan 19 nafar fuqarolar ishga joylashish, davolanish uchun order olish, yurakda jarrohlik amaliyoti oʻtkazish kabi turli masala va muammolari yechimi boʻyicha tuman tibbiyot birlashmasi rahbariyati va tuman masʼullariga tegishli koʻrsatmalar berildi.

Fuqarolar qabulida Oʻzbekiston Respublikasi Xalq qabulxonasining Peshku tuman boʻlimi mudiri ham ishtirok etdi.

Bungacha Romiton, Shofirkon, Qorakoʻl, Olot, Jondor tumanlarida ham ana shunday oʻrganish va sayyor qabullar oʻtkazilgandi.