фото: belnovosti.by

Britaniyalik avtoulov mutaxassislari shu yilning mart oyida Yevropada eng koʻp sotilgan avtomobillar reytingini tuzishdi.

Roʻyxat “JATO Dynamics” tadqiqot kompaniyasi tomonidan taqdim etildi.

Maʼlumotlarga koʻra, COVID-19 pandemiyasiga qaramay, garchi savdo deyarli 50 foizga tushgan boʻlsa-da, 23 mingdan ortiq nusxada sotilgan “Volkswagen Golf” avtomobili oʻtgan oy Yevropada eng talabgir avtoulovlardan biri boʻldi.

15 ming donadan koʻproq (-1,6%) sotilgan “Tesla Model 3” elektravtomobili esa ikkinchi pogʻonani zabt etdi.

Birinchi uchlikka 14,5 ming nusxada sotilgan (-50,6%) ixchamgina “Ford Focus” avtomobili yakun yasadi.

Toʻrtinchi oʻrin “Renault Clio”ga nasib etdi. Uning savdo koʻrsatkichi 13,3 ming donani tashkil etdi (-66,4%).

Beshinchi oʻrinda “Mercedes-Benz A-Class” yengil avtomobillari (13,2 ming nusxada sotilgan, -45,9%) qayd etildi.

Shuningdek, quyidagi avtomobil modellari birinchi oʻnlikdan joy olishdi: Skoda Octavia (13,2 ming dona), Nissan Qashqai (13 ming dona), Toyota Yaris (12,3 ming dona), Ford Fiesta (12,2 ming dona) va MINI Hatch (11,9 ming dona).