Oʻzbekiston Respublikasi Prezidentini rasmiy kutib olish marosimi boʻldi
Tehrondagi “Saadobod” majmuasining “Jumhuri” saroyida Eron Islom Respublikasiga rasmiy tashrif bilan kelgan Oʻzbekiston Respublikasi Prezidenti Shavkat Mirziyoyevni rasmiy kutib olish marosimi boʻlib oʻtdi.
Davlatimiz rahbarini Eron Islom Respublikasi Prezidenti Ibrohim Raisiy kutib oldi.
Saroy oldidagi maydonda oliy martabali mehmon sharafiga faxriy qorovul saf tortdi. Oʻzbekiston va Eronning davlat bayroqlari koʻtarildi.
Harbiy orkestr ikki mamlakat madhiyalarini ijro etdi.
Prezidentlar faxriy qorovul safi oldidan oʻtib, rasmiy delegatsiyalar aʼzolarini qutladilar.
Birgalikda suratga tushish marosimidan soʻng yetakchilarning tor doiradagi uchrashuvi boshlandi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring