Oʻzbekiston Respublikasi Prezidenti Qohiraga joʻnab ketdi
Foto: Oʻzbekiston Respublikasi Prezidentining matbuot xizmati
Oʻzbekiston Respublikasi Prezidenti Shavkat Mirziyoyev Misr Arab Respublikasi Prezidenti Abdulfattoh as-Sisining taklifiga binoan 20-fevral kuni rasmiy tashrif bilan ushbu mamlakatga joʻnab ketdi.
Tashrif dasturiga muvofiq, Qohiradagi “Al-Ittihodiya” saroyida oliy darajadagi muzokaralar boʻlib oʻtadi.
Tomonlar ustuvor sohalardagi koʻp qirrali hamkorlikni yanada kengaytirishning dolzarb masalalarini muhokama qiladilar. Yakunda qator ikki tomonlama hujjatlar imzolanishi koʻzda tutilgan.
Davlatimiz rahbari Misrning yetakchi kompaniyalari vakillari bilan uchrashuv oʻtkazadi.
Mamlakatning eng qadimgi oʻtmishdan bugungi kungacha boʻlgan davr tarixiga oid yodgorlik va buyumlarning boy toʻplamiga ega Misr sivilizatsiyasi milliy muzeyi bilan tanishish koʻzda tutilgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring