Oʻzbekiston Respublikasi Prezidenti davlat tashrifi bilan Qatarga boradi
Foto: Prezident matbuot xizmati
Oʻzbekiston Respublikasi Prezidenti Shavkat Mirziyoyev Qatar Amiri shayx Tamim bin Hamad Ol Soniyning taklifiga binoan 1-2-oktyabr kunlari davlat tashrifi bilan ushbu mamlakatda boʻladi.
Tashrif dasturiga muvofiq, oliy darajadagi ikki tomonlama muzokaralar oʻtkazilishi hamda “EKSPO Doxa-2023” – “Yashil sahro, yanada yaxshi atrof-muhit” xalqaro koʻrgazmasining ochilish marosimida ishtirok etish koʻzda tutilgan.
Boʻlajak muzokaralarda yetakchilar Oʻzbekiston-Qatar hamkorligining holati va uni rivojlantirish istiqbollarini muhokama qiladilar, xalqaro va mintaqaviy ahamiyatga molik dolzarb masalalar yuzasidan fikr almashadilar.
Davlat tashrifi yakunida turli sohalardagi ikki tomonlama munosabatlarni yanada mustahkamlashga qaratilgan hujjatlar imzolanishi kutilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring