Oʻn nafar oʻzbekistonlik Rossiya fuqaroligiga qabul qilindi
Rossiya Federatsiyasi prezidenti Vladimir Putin bugun, 23-iyul kuni “Rossiya Federatsiyasining fuqaroligiga qabul qilish toʻgʻrisida”gi farmonini imzoladi, deb xabar qildi huquqiy axborot rasmiy internet portaliga asoslanib Sputnik.
Unga koʻra, umumiy tartibda (yashash guvohnomasi (VNJ) asosida Rossiya hududida 5 yil yashagan) 57 nafar kishi Rossiya Federatsiyasi fuqaroligiga qabul qilindi.
Xususan, farmon Oʻzbekiston hududida tugʻilgan 10 nafar kishiga Rossiya fuqaroligi berildi.
Shu bilan bir qatorda, Afgʻoniston, Ozarbayjon, Moldova, Armaniston, Belarus, Qozogʻiston, Tojikiston, Ukraina, Avstriya, Vyetnam va Chernogoriyada tugʻilgan kishilar Rossiya fuqaroligiga qabul qilindi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring