Markaziy bank “Agrobank” va Xalq bankini nega jarimaga tortdi?
Bank xizmatlari isteʼmolchilarining huquqlarini himoya qilish sohasida amalga oshirilgan ishlar doirasida joriy yilning birinchi yarim yilligida «Agrobank» va Xalq banki faoliyatida bank xizmatlari isteʼmolchilari huquqlarining buzilish holatlari aniqlandi. Bu haqda Markaziy bank maʼlum qildi.
Xususan, ushbu banklar tomonidan qonun talablariga rioya qilmagan holda, mijozlarning hisobvaraqlariga mablagʻ kiritib qoʻyganlik uchun komissiya toʻlovlari undirilgan, omonat shartnomasi shartlariga bank tomonidan bir tomonlama oʻzgartirishlar kiritish huquqi koʻzda tutilgan. Shuningdek, banklarning axborot stendlarida notoʻgʻri va ahamiyatsiz (dolzarb boʻlmagan) maʼlumotlar joylashtirilgan, kredit shartnomasi shartlariga amal qilmagan holda, kredit toʻlovlari boʻyicha penyalar hisoblangan va boshqa qoidabuzarliklarga yoʻl qoʻyilgan.
Shu munosabat bilan aniqlangan qoidabuzarliklarni bartaraf etish yuzasidan koʻrsatmalar berish bilan bir qatorda ushbu banklarga nisbatan belgilangan tartibda jarima sanksiyalari qoʻllanildi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring