«Koronavirusda osma ukol (kapelnitsa) olish zararli va oʻlim xavfini oshiradi» — ekspert
Bu haqda Koronavirusga qarshi kurashish shtabi aʼzosi Sevara Ubaydullayeva "O'zbekiston 24" kanaliga bergan intervyusida aytib o'tdi:
— Odamlar “Oldin shamollaganimda osma ukol olgandim, yana bir marta olsam, oʻtib ketadi, deb oʻyladim” deyishadi. Kasallikning 6-7-kuniga borib, ularning ahvoli ogʻirlashishni boshlayapti. Tomografiyaga tushishyapti, oʻpkaning jarohatlangani, suv yiqqanini koʻrishyapti. Bu davrda endi biz ambulator sharoitda yordam berolmaymiz.
Osma ukollardan keyin, kasallikning 5-6-kunida oʻpka suyuqlik yigʻishni boshlayapti, oʻpka shishi kelib chiqyapti. Hozirgi kunda oʻlayotgan bemorlarning hamma tashxisini koʻring: oʻpka shishishi! Bular oʻzidan-oʻzi kelib chiqmayapti. Hammasi osma ukol taʼsiri.
Buyraklarimiz u suyuqlikni chiqarib tashlashga ulgurmayapti. Bu yurak qobigʻida ham suyuqlik yigʻilishiga olib kelishi, jigarni ishdan chiqarishi mumkin.
Osma ukol olishdan avval, albatta, shifokor bilan maslahatlashing!
Odamlar osma ukollardan voz kechsa, Oʻzbekistonda oʻlim koʻrsatkichi kamayardi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring