Konor Makgregor Irlandiya prezidenti lavozimiga oʻz nomzodini ilgari surmoqda
UFCʼning ikki vazn toifasidagi chempioni Konor Makgregor kelayotgan oktyabr oyida boʻlib oʻtadigan Irlandiya prezidentligi saylovlarida oʻz nomzodini koʻrsatish niyatida ekanini maʼlum qildi. Bu haqda u Instagramʼdagi sahifasida post qoldirdi.
“Agar mening ismim prezidentlik saylovlari byulletenida koʻrinishini istasangiz, mahalliy kengash aʼzolariga murojaat qilib, nomzodimni koʻrsatishlarini soʻrashingizni qatʼiy tavsiya qilaman”, — dedi Makgregor.
Avvalroq irlandiyalik sportchi oʻzining saylovlarda ishtirokini “taʼminlab boʻlganini” aytgan edi. Biroq uning familiyasi mahalliy kengashlardan qoʻllab-quvvatlash izlayotgan nomzodlar roʻyxatidan oʻrin olmagan.
Maʼlumot uchun, byulletenga kirish uchun Konor Makgregor kamida 20 nafar parlament aʼzosi yoki toʻrtta mahalliy/tuman kengashining qoʻllab-quvvatlashiga ega boʻlishi lozim.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring