Ish haqi, pensiya va nafaqalar oshishi haqidagi xabarlar rad etildi
Oʻzbekistonda 1-martdan ish-haqi va pensiya oshishi haqida tarqalgan axborotlar haqiqatga toʻgʻri kelmaydi, deb xabar bermoqda Iqtisodiyot va moliya vazirligi.
Bildirilishicha, ayni paytda ijtimoiy tarmoqlarda ish haqi, pensiya va nafaqalarning 2025-yil 1-martdan va 1-avgustdan 10 foizga oshirilishi toʻgʻrisida yolgʻon xabarlar tarqalmoqda.
“Ish haqi va pensiyalar toʻgʻrisidagi rasmiy axborot tegishli davlat organlarining rasmiy manbalarida eʼlon qilinadi. Ishonchli manbalarga tayaning va tekshirilmagan xabarlarni tarqatmang”, deyiladi xabarda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring