“Oilaviy tadbirkorlikni rivojlantirish dasturlari doirasida kreditlar ajratishni takomillashtirish hamda aholining doimiy daromad manbalarini koʻpaytirishga doir qoʻshimcha chora-tadbirlar toʻgʻrisida”gi Hukumat qarori (161-son, 19.04.2023-y.) qabul qilindi.

Unga koʻra:

— oilaviy tadbirkorlikni rivojlantirish maqsadida aholi va tadbirkorlarning loyihalarini moliyalashtirish uchun 13 trillion soʻm ajratiladi;

— oilaviy dasturlar boʻyicha kreditlarni yillik 14 foiz stavkada ajratish tartibi saqlab qolinadi;

— Hokim yordamchilari tashabbusi bilan baʼzi tadbirkorlarga 50 million soʻmgacha kreditlar garovsiz beriladi;

— kreditlar birinchi navbatda dasturga muvofiq avval kreditlardan foydalanmagan aholi va tadbirkorlarga ajratiladi;

— qolaversa, dasturlar doirasida avval kredit olib, undan samarali foydalanib, tadbirkorligini yoʻlga qoʻygan va kredit toʻlovlarini oʻz vaqtida toʻlagan kichik tadbirkorlarga faoliyatini yanada kengaytirishi ushbu kreditlardan takroran foydalanishga ruxsat beriladi;

— hokimlar dehqonlarga yerdan unumli foydalanishga va “bir mahalla – bir mahsulot” tamoyili asosida mahsulotlar yetishtirishga va ularni oʻz bozorini topishga koʻmaklashadi;

— “marketpleys” tizimi “Ye-aktiv” axborot tizimi bilan integratsiya qilinadi;

— ushbu mahsulotlarning narxlari koʻrsatilayotgan xizmatlar va boshqa omillar hisobiga ichki bozor narxlariga qaraganda asossiz oshib ketmasligini Raqobatni rivojlantirish va isteʼmolchilar huquqlarini himoya qilish qoʻmitasi oʻz nazoratiga oladi;

— va eng asosiysi, endilikda hokim yordamchilarining kredit ajratish boʻyicha tavsiya berishiga mahalliy ijro etuvchi hokimiyat organlari rahbarlarining aralashuviga yoʻl qoʻyilmaydi.