Guliston shahri ham oʻz darvozalarini yopmoqda

18:49 26 Mart 2020 Jamiyat
2349 0

Arxiv surat

Sirdaryo viloyati markazi Guliston shahriga barcha hududlardan kirish har qanday transport vositalari uchun toʻxtatiladi

Viloyat hududiga koronavirus infeksiyasi kirib kelishi va tarqalishining oldini olish yuzasidan chora-tadbirlar dasturini tayyorlash boʻyicha Sirdaryo viloyat maxsus komissiyasi qaroriga koʻra 2020-yil 27-mart kuni soat 00:01dan boshlab Guliston shahriga kirish va shahardan chiqish vaqtinchalik toʻxtatiladi. Bu haqda Sirdaryo viloyat IIB xabar berdi.

Bundan koʻzlangan asosiy maqsad — koronavirus infeksiyasi viloyat hududi boʻylab tarqalishining oldini olishdir.

Cheklovlar quyidagi holatlarda tatbiq etilmaydi:

yuk tashish bilan bogʻliq holatlarga;

Guliston shahrida doimiy yashovchi (roʻyxatdan oʻtgan) shaxslarga;

Guliston shahriga kirish uchun viloyat markazidagi mahalliy davlat hokimiyati organlari davlat hokimiyati organlari, huquq-tartibot idoralari, boshqarma, idora va tashkilotlarda mehnat faoliyatini amalga oshirayotgan rahbar va xodimlarga;

shifokor va hamshiralar, SEOM xodimlari hamda viloyat tumanlariga biriktirilgan masʼul xodimlariga.

Guliston shahriga kirish chiqish faqat ikkita yoʻnalish boʻyicha:

1-yoʻnalish: Guliston shahri, Guliston koʻchasiga yoʻl oʻtkazgich koʻpriq orqali;

2-yoʻnalish: Guliston shahri, Doʻstlik qoʻrgʻoni, Xondamir koʻchasida tashkil etilgan karantin postlari orqali — transport vositalari va yoʻlovchilarni dezinfeksiya qilgan holda amalga oshiriladi.

Guliston shahriga boshqa yoʻnalishlardan kirib-chiqish joylari toʻliq yopiladi.

Shahar hududiga kirishga qoʻyilgan cheklovlarga va karantin qoidalarini buzgan shaxslarga nisbatan qonunchilikda belgilangan tartibda choralar koʻriladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Yangiliklar taqvimi

Кластер