Fransiyada oʻlim darajasi oʻtgan yilga nisbatan 25 foizga oshdi
Fransiyada oʻlim darajasi oʻtgan yilning shu davriga nisbatan 25 foizga oshdi, deya xabar beradi RIA Novosti.
Statistikaga koʻra, shu yili 1-martdan 13-aprelgacha 93 839 kishi vafot etgan, oʻtgan yili shu davr mobaynida esa 75 100 kishi olamdan oʻtgan.
Fransiya rasmiylarining soʻzlariga koʻra, 22-aprel kuni mamlakatda koronavirus infeksiyasi qurbonlari soni 22,2 ming kishidan oshgan.
Eslatib oʻtamiz, 4-maydan Fransiya aholisiga himoya niqoblarini bepul tarqata boshlaydi. Ular davlat muassasalarida, dorixonalarda va tamaki doʻkonlarida tarqatiladi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring